نورت نجد ياصقر العروبة

اقبل الخير وإلتمّت نصوبه ***** و البشاير بالأفواه إتعلا
والسعد بيننا هبّت هبوبه*****من سمع بالخبر رحبّ وهلا
نوّرت نجد ياصقر العروبه*****يوم صافحتها والشرّ ولا
الوطن فرحة قدومك تجوبه*****كل شبر ٍ من ارضه لك محلا
يحتفل فيك واخضرّت دروبه*****والوجيه الفرح فيها تجلا
صادق الحب ماشي ٍ يشوبه*****ثابت الجذع وعذوقه تدلا
جعل يجزل لك الرب المثوبه*****ويحفظك خالقك عزّ وجلا
يامليك ٍ به الروس معصوبه*****عن قظايا العروبه ما تخلا
وين ماراح لأرض رحبوبه*****هو ذرانا وهو زبن المجلا
يلبس العطف كنّه لبس ثوبه*****بالتواضع وبالصبر يتحلا
يبني المجد طوبه فوق طوبه*****طيب سيره ووجه ٍ مسفهلا
جعل عمره طويل ومن ينوبه***** ومرحبا عدّ من كبّر وصلا
يوم جانا وجيّته محسوبه*****تُفرش الأرض له ورد وفُلا
غنّو الناس بإسمه وهتفوبه*****لا تملّ الصدور ولا تكلا
لو مدحه الملايين وحكوبه*****لو يقولون كافي قلت كلا
من يورّد بيوت المدح صوبه*****جته شرد القوافي ما تغلا
جيّته عيد ,والكل فرحو به*****عند شعب ٍ لشوفه ما يملا
مرحبا فيك يا صقر العروبه*****عدّ ما بان نجم وما تعلا
شعر / عطاالله ممدوح
atae1404@hotmail.com