مما يقولون

من قيض دنياي جيت أدوّر ظلالك
وأرتاح من عقب ما أشقتني مسافاتي
هالك وضامي مشاعر والبدن هالك
يا يبس ريق الخفوق.. وقل حيلاتي
واللي جعلني بلا تفكير أسعى لك
أني لأحسدك في صبرك بغيباتي
ياقو قلبك.. أقل القول: وش حالك؟
شحيّت.. وش عاد لوني قلتلك تاتي
هبتني أشواق لك.. وأرسيت في جالك
وبالفعل الأشواق تجري عكس مشهاتي
لوهو بيديني أبد والله ما أعنا لك
لكن شوقي فضح قلبي بنظراتي
جيتك مجمّع حكي من يوم ترحالك
وصوّخ آذانك لصوتي وإسمع الآتي:
ما أبدن سئمتك.. ولا ببدل إبدالك
به حي قد قال لك سئمت نبضاتي؟
نعم أحبك.. ولا عليّ بإهمالك
وإن كان حبك غلط.. يا حلو غلطاتي
هذا أنا يا حبيبي.. با أترضا لك
من يوم قفيت.. وأنا العله بذاتي
قفيت بلحالك؟ أبدا ما أنت بلحالك
خاوتك فرحة خفوقي وابتساماتي ..