أترجى وصالك

صبرت لكنّ الصبر ملّ منّي
حول السنة وأنا أترجى وصالك
لو تطلبين القلب جيت متعنّي
وأقول ياعمري خفوقي حلالك
حتى لو أنّه خاب يازين ظنّي
ماني مدوّر فالعذارى بدالك
أنا أدري أن الحب ماهو تمنّي
وش حيلتي والقلب برضاه جالك
لن غبت جعلك فالحياه متهنّي
وتذكري قلبٍ من العام شالك
وأنا بعد بذكر حبيبن طعنّي
ولاظنّتي بيغيب عنّي خيالك
الهم في بعدك حبيبي سكنّي
والشمس هجرك والمواصل ظلالك
والقلب من شوقه تراه أمتحنّي
وأنته على ماقيل ريّحت بالك
لن شفتني أكتب قصيدي وأغنّي
ماني ترى طربان بالعكس هالك
أسهر بليلي والمشاعر تونّي
علّك تجي والقلب يارد زلالك
دنّ الهجوس وقلت يومنه دنّي
أبغى المثايل كلها في جمالك
وأثر المثايل كلها لك تحنّي
كنها تقول أبشر وياطيب فالك
العلم ردّه ياأريش العين عني
لاتستمع للناس ويضيق بالك
مكاسبي فالحب خلّن طعنّي
ومكاسبك قلبن من العام شالك