غلق رصيد البنك

قصيدة طريفة للشاعر ظافر محمد المشعلي:
غلق رصيد البنك يابو الملايين
والكاش غلق يازمان الغبونه
والتاجر البطران ربحه بضعفين
ويقول طبع الذيب تكثر اديونه
وبمكتب الأقساط والأرباح بعدين
والمكتب المعروف يجذب زبونه
والأعلان واضح بين كل العناوين
والأعلان غير وعكس مايكتبونه
ويطلب عليك اثبات وتوثيق بالدِّين
وبدفتر الشيكات مايضمنونه
ومن بعد كتب العقد يطلب كفيلين
ويصير وضعك بين قافه ونونه
وبعده تعيد ألحان يالليل ياعين
وتعلن معاناتك وتطلب معونه
هذه الحقيقة عشتها قبل عامين
والمر ميزته بطعمه ولونه
والوقت هذا فيه كل التلاوين
والعاقل اللي صار يعرف شؤونه
اللي مصنف من خيار اللبيبين
وكرامته عدت بغيمة مزونه
وبجوارحه ميز وله شوفة العين
وبتجاربه جدد مواهب افنونه
وشاف المسائل ترتبط بالقوانين
وبثوابته قْوْىَّ قواعد احصونه
ويرفع يدينه للولي قاضي الدين
الواحد اللي مانبي غير عونه