قصيدة مهداة إلى صحيفة الرأي للشاعر سعد بن خاطر

لا هان فكرٍ جديد وطوّر الماضي
يدرك مسار الحياة بكل مضمونة
صحيفة الراي طلت برقها ناضي
في نوّ الابداع واصل ينثر مزونه
في زحمة اعلامنا للراي منهاضي
تكفخ وتبعد عن اهل الجهل مصيونة
مبروك للراي كلٍ عنّها راضي
تبحث عن الصدق والاخبار موزونة
الاعلام في معركة ويخوض من خاضي
واللي بقا صادقٍ ما غيّر ظنونه
والراي للراي الاصدق ما تبي الفاضي
ما هيب تبحث عن اللي عميت عيونه
واللي يخالف ويتبع كل عرّاضي
الراي ما هيب للديّان مديونه
منظومةٍ مابنوها فوق الانقاضي
بالجهد ونفوسهم بالصدق مرهونة
حقٍ على قاف مثلي لاجلهم هاضي
اشارك الراي قافٍ يطرب لحونه
قافٍ جديدٍ يتعِّب كل ركَّاضي
جهدي عسى اهل القوافي ما يملّونه