عجايب

من عاش بالدنيا يشوف العجايب
واللي ما شاف اليوم بيشوف بعدين
ولو كان يسكن ناطحات السحايب
لا بد من يومٍ به الخافي يبين
فاعرف زمانك يا عريب النسايب
وترى النصايح تنشرى بالملايين
ولا تزرع الا بالأراضي الخصايب
يثمر حصادك لو زرعته بعد حين
وإذ نويت القوم سوق الركايب
وحذرى تردد لا تدور براهين
اما كسبت القوم وشفنا الكسايب
والا على ما قال يالليل يا عين
والأنذال ما توجد بوقت النوايب
والأجواد تلقاهم نوادر قليلين
وترى الرجال انواع مخلص وعايب
وميز ترى الواقع ملون تلاوين
عندك مقاريد تدور طلايب
وعندك صقور كلبوهم شياهين
فااخذ النصيحة من صغير وشايب
والزم طريق الحق وتسلم من الشين
ولا يفطننّا الا العقول اللبايب
ولا يفهم المعنى سوات اللبيبين
وصلاة ربي عد غيث السحايب
واعداد ما تنبت زهور الرياحين
على الرسول اللي به الجهل غايب
محمد المرسول بآيات ياسين