الجروح

ياحظ منهو في حياته معك عاش
ينسى معك همّ السنين وكدرها
لاهمّه العاذل ولاهمّه الواش
قربك عيونه تهتني في سهرها
يسهر معك في جو مفعم بالانعاش
في ليلةٍ يضوي وجودك قمرها
يا صاحبي سوّيت بي طاش ماطاش
أمشي على نار الهموم وجمرها
أطرد طيوفك وادري اني على ماش
هايم وليل الشوق يحفظ صورها
ياسيدي خذها صريحة على الكاش
حاولت نسيان الجروح وأثرها
لكن غرامك رشّ قلبي برشاش
وانهى عزومه في الهوى واختصرها
ولا نفع للقلب مرهم ولاشاش
تنزف جروحي وانت ناسي خبرها
ولاأقول إلا خطا روحي اللاش
من سبّة أفعالك تزايد خطرها
ما غير انا والهم و الليل وفراش
نذكر سواليفك ونحكي دررها