يفخر التاريخ باسمك يا محمد

لك تفاصيله وصفحاته وتاجه
أنت من نارٍ سناها ما يرمد
ما يطفيها الزمان ولا عجاجه
من تعلق في معزي ما يخمّد
وأنت تتبع منهجه في كل حاجه
مجد أبوك اللي مع الأيام ممد
كوكبٍ تسري على شعلة سراجه
أنت من صغرك كما السيف المغمد
سلته فيها من الصبح انبلاجه
يوم دخان الوغى بالجو عمد
في يمين ابوفهد سيف المواجه
اعتزيت وجيت عزمك ما يهمّد
راعي العوجا ولا ترضى العواجه
بالبشاير والفرح جودك يعمّد
للوطن فكرك بدا يثمر نتاجه
في بحر عرفك وزنت الجزر والمد
لين هوّد كل بحرٍ عن هياجه
لك يمينٍ مثل ما تجرح تضمد
ذاك زعلته وذا يضحك حجاجه
في يمينك بحر ماهوب متجمد
ماه عذب ولا خلط عذبه هماجه
نظرتك في عين حرٍ ما ترمد
عند شوفتها من الضيق انفراجه
المواطن يشكر الله ويتحمد
والوطن في طلتك سر ابتهاجه