ضاق صدري

حمد الدليهي يرثي فهد شبيب الدعدوش الخالدي، الذي توفي في محافظة الخفجي (رحمه الله):
عز الله انه ضاق يا سعود صدري
والحزن صارت يمته باتجاهي
في حلم والا علم يا سعود مدري
غديت مثل اللي مْبنّج وفاهي
علمتني والعلم زلزال حدري
فجعتني وانا مع الوقت لاهي
كدّرت عينٍ ناسيه كل كدري
ليت الخبر يا سعود فيه اشتباهي
الموت جا عمك فهد جاه بدري
واللي مقدر ما لنا عنّهْ ناهي
مرحوم ياللي له معزه وقدري
ياللي عن اعراض الاجاويد ساهي
ماهوب لا خاين ولا فيه غدري
دمث الجناب وحسن الاخلاق راهي
يا رب واجعلّه عن النار خدري
عساه بالفردوس يوم التباهي