المرجله

يا أهل العقل وأهل الفكر والنجابه
قولوا لمن فكره عن الحق صايم
اللي يحسب المرجله والذرابه
تقطيع لحم مفطحات العزايم
قولوا له إن المرجله ما تشابه
معَ فعول الحاقدين الخمايم
اللي إذا قفّى رفيقه حكابه
ثم تبّع الغيبه ب زور ونمايم
درب العلا يا هيه.. فعل ومهابه
ماهوب بَرْبَرة الليال العتايم
ما كل من راده جاه ووطابه
دربٍ يغز الشوك حدر الرخايم
ب أعيش عمري زين.. دامي ف شبابه
يومي عن السقطات والدون شايم
يا جلسةٍ بين الأهل والقرابه
تسوى من الصفقات كل الغنايم
يا أبوي كل الحب.. كل الحبابه
شفها تحت رجليك لرضاك دايم
ياللي مخاوي العز دامي ف جنابه
أدعي عساك تدوم قاعد وقايم
ياللغرابه شخص كله غرابه
اللي خياله في سماء الجهل هايم
من يختز لها.. مرجله مع ذرابه
بتقطيع لحم مفطّحات العزايم
الشاعر/ نواف الشلهوب