باقي أيامي

اخاف من ليلةٍ يضوي سناها بعيد
واشوف نفسي معَ الاحزان متوالفَه
انا ادري ان الحزن فاللي مضا ما يفيد
لكنّي أشعر بإني للدمع حالفه
ابي معك باقي ايامي مثل صبح عيد
وان شفتني ضايقه ضحكني بسالفه
تعطيني من الهوى واقول هل من مزيد
قلبي معك وانت أكثر واحدٍ عارفه
تناقضاتي وتنكيدي وراسي العنيد
ما هي بلحية اسف لكنني آسفه
مدري مِن جروحي الواجد مَن المستفيد
عجزت ادوّر وراها فكرةٍ هادفه
اتعبت نفسي وتعّبتك ولا به جديد
إلا مشاعر وداع ودمعةٍ واقفه