ضيق بال

أنت مشروع حزن وضيق بال
من عرفتك وانا مليان ضيق
بين غيره وتشكيك وسؤال
فوق ما طيق تملاني واطيق
وانا شاعر أبي لطف ودلال
مثل نحلة تدور عن رحيق
من جمالك ابغرق بالجمال
بتنفسك لو اني غريق
عشق لكن تفاصيلك جدال
مفترض مثل تكوينك انيق
كان ودك اسمّعك الجزال
واترنح قصيد ولا افيق
خل عنك الملامه والهبال
حبني بس لا تدخل عميق
وخل عنك السوالف بال..
شوف غيره بدورينا فريق
وخذ غلا لو وزنته بالجبال
فاق نسبة ابانات وطويق