حلم

ضيق وارضة وصد وصد وأرضة وضيق=وعرف اني لاجمل حلم في الانتظار
مثل ما ينتظر اهل الغريق الغريق=لانجا من وسط حاشر تحدر وجار
ولامثل الكفيف اللي بنص الطريق=مرة يمين يضربها ومرة يسار
شارب الخمر فاق وعاشقك ما يفيق=لان الابداع واوصافك بنفس المسار
لاتهرجت ولعته في قلبي حريق=وان نظرتك تطاير من عيونه شرار
من سبب نظرتك والهرج جرحي عميق=يا الذي لا هرجته كل شي يغار
يابو عيون لونها بلون العقيق=قول من سببت نظرة عيونك مجار
غير الاعجاب مني يا الامل مايليق=عندنا زينة الدنيا صغار وكبار
لو جمعنا ذوارينا نسوي فريق=من جميع الفئات ومن جميع العمار
انا حملت قلبي فوق ما لا يطيق=غير بعض المشاعر مثل لعب القمار
اصبح اعجابنا دونه ضلاع وطويق=لكن الصبر طيب لو من اجل الصغار