لآلئ شعرية

على الفرقا ويا عزّي لحالي
من الضيقه ليا مرّيت بالي
توافقنا نكون احباب والاّ
تكون أقرب من الروح لظِلالي
أطيش ونيتي ما هي خبيثه
وأقزّرها على وجهي وفالي
ولا عين الصواب اللي قرتني
ولا عدّيت من عقبك ظَلالي
تباطيتك وما عمري فقدتك
ولا ردّت ظروفك عن وصالي
أنا أبخص من العالم بقلبك
واحقّ الناس في غمرة حلالي
وأقربهم وأولاهم والاولى
فلا تقطع سبيلي وإتصالي
قضى عمري على خبرك ضياعي
ولا عيّنت لي منصح ووالي
وحقّ العشره ولوعة حنيني
ودمعٍ بيّح اعزوم إحتمالي
وحقّ العيش والملح وجروحي
ونشوة خوفي وصدق إبتهالي
وحقّ الشوق لا فاض وتهيّض
معه دمعي على وقتٍ مضى لي
تداريني وانا أضعف قويه
وانا أقوى ضعيفه من خبالي
وانا أبسط كبيره في عيوني
وأعلاهم ولا شفتك قبالي
تخيّل ما عرفت آجر صوتي
وهو حيلة جنوني وإحتيالي
و أتلا عهدي بطاري جماله
بيوم اللي تمجّد في جمالي
طرالي شي لا منّه طرالي
تفقدّت الطعون ومن طرالي
فمان الله يا منوة خفوقي
وانا لي كل حاجه في خيالي
ثلاثيني تناوشني وعادي
بتعرف هو متى ياتي مجالي
على الفرقا ويا عزّي لحالي
من الخنقه اذا مرّيت بالي
توافقنا نكون أحباب والاّ
يكون الموت أقرب من ظِلالي