على الفرقا

وياعزّي لحالي
من الضيقة ليا مرّيت بالي
توافقنا نكون أحباب والا
تكون أقرب من الروح لظِلالي
أطيش ونيتي ما هي خبيثة
وأقزّرها على وجهي وفالي
ولا عين الصواب اللي قرتني
ولا عدّيت من عقبك ظَلالي
تباطيتك وما عمري فقدتك
ولا ردّت ظروفك عن وصالي
أنا أبخص من العالم بقلبك
واحقّ الناس في غمرة حلالي
وأقربهم وأولاهم والاولى
فلا تقطع سبيلي واتصالي
قضى عمري على خبرك ضياعي
ولا عيّنت لي منصح ووالي
وحقّ العشرة ولوعة حنيني
ودمعٍ بيّح اعزوم احتمالي
وحقّ العيش والملح وجروحي
ونشوة خوفي وصدق ابتهالي
وحقّ الشوق لا فاض وتهيّض
معه دمعي على وقتٍ مضى لي
تداريني وانا أضعف قويه
وانا أقوى ضعيفه من خبالي
وانا أبسط كبيره في عيوني
وأعلاهم ولا شفتك قبالي
تخيّل ما عرفت آجر صوتي
وهو حيلة جنوني واحتيالي
وأتلا عهدي بطاري جماله
بيوم اللي تمجّد في جمالي
طرالي شي لا منّه طرالي
تفقدّت الطعون ومن طرالي
فمان الله يا منوة خفوقي
وانا لي كل حاجة في خيالي
ثلاثيني تناوشني وعادي
بتعرف هو متى ياتي مجالي
على الفرقا ويا عزّي لحالي
من الخنقة إذا مرّيت بالي
توافقنا نكون أحباب والا
يكون الموت أقرب من ظِلالي