لآلئ شعرية

لي مدة والطرف نومه تناتيف
بأسباب منهو ما يحن الولايف
تجتاحني ذكراه طيفٍ ورا طيف
لا راح طيفٍ جاك يقفاه طايف
مثل البحر يرمي بموجه على السيف
موجه ورا موجه تتابع ردايف
غروٍ يهز الرمح ومجرد السيف
ذبّاح لا يرحم ولا هو برايف
يا ناقدي خل الحكي والسواليف
ترى الهوى ماهو مزوح وطرايف
لو شفت يا النقّاد ما شفت بتعيف
نومك من الحسرات والروع خايف
لو شفت ملهوف الخصر والسراجيف
فيه البها والملح والزين كايف
كان إشتكى قلبك من الضيم والحيف
لي حافك من الحب والشوق حايف