صقر الجزيرة

آن الأوان وحان وقت الكتابه
والشعر في صقر الجزيره تهيّا
عذب الحروف اسوقها ماتشابه
واسطر أبياتي والْاحساس حيّا
في سيدي سلمان ريف الغلابه
ابن الملوك اللّي غلاهم هنيّا
ابوفهد خصم العدو فْ المجابه
سهمٍ يصيب ولا يشوبه خطيّا
كفوّ الرجال وسيف عزم وصلابه
القايد الانسان سمح المحيّا
قايد صفوف الحزم عزّ ومهابه
أمن الوطن همْه ودونَه حميّا
مْعانقٍ كبد السما من شبابه
وشم الجبال وحول نجم الثريا
الله ثم الدين شرعٍ نهابه
ثم الوطن نفديه لا قال هيّا
وعدونَا لاضاق سمٍ شرابه
اليد وحده.. والجماعه سويا
ماهمنا فعله وقوله دعابه
مانحسب لْهرجه ولاهوبْ شيّا
المملكه دار النبي والصحابه
وظلٍ تحت بارد عطاه انْتفيّا