الحزن ديمة

الله يكتب في تدابيره .. لقا
وألقاك يا شفّي وغاية مطلبي
إحساس أصدق من عتاب الأصدقا
وحزني أعتم من دياجير العبي
من دورة الأيام ما شيٍ بقا
إلاّ رسايلهم وهمّي و كتبي
الحزن ديمة بللت صدري شقا
والوصل دين وحرفي البائس نبي
والله يحلل ذنب غيمٍ لا سقى
يزيد في وقعه ويزداد اتعبي
يا صاحبي وانا تجرّعت النّقا
إلين ما وجهي سرق لمحات إبي
ويوم جاروا بي حبايب ورفقا
ناديت لك ياصاحبي يا صاحبي
أحيانا الهقوة تخيّب من هقا
إنه معزّب وإن هوجاسه صبي
ركّبت لإحساسي جناحين ورقا
يا ليتني سجيت به ما طار بي