ما لك عذر

ما عاد به دمعٍ على الخد ينساب
العين ماها جف واغلق مصبه
قفيت عنك وخاطري عافك وطاب
ما عاد لك فْ/ القلب ذرة محبّه
خيّبت ظني فيك والقلب منصاب
حتى الوفا مثلك (تخاذل) وكبّه
ما لك عذر يا ويش عذرك والأسباب..؟!
اللي معك من عذر بالصدر خبّه
كل السنين اللي مضت عشتها (غياب)
وادركت بْ/ ان الوصل ضاع فْ/ مهبْه
مات الغلا والشوق وشعور الأحباب
وذكرك دفنته.. لو رجوعك يشبّه
وقلبي تعلم درس من فعلك وتاب
وحرّم يدوسه حيّ والا يطبّه