هاني السالم نادم على رحيله من الخليج

المرزوق حرق أعصابهم

جاكسون لعب وتحامل على إصابته وسجل هدف التعادل في الحزم ويقولون صفقة خاسرة وأنه لم يأخذ مليون ريال لصفقته مع الخليج وأنه.... تدرون ما راح أقول كلام زائد لأن جاكسون قال اللي عنده في الملعب بس يا ليت يسكتون تراهم أزعجونا بالتنظيرات والتحليلات اللي كشفت عن فراغ كروي حاد يعني بالعربي ما يفهمون شيئا في الكرة .
@ هاني السالم رحل عن الخليج في بداية الموسم وأعتقد أنه متحسر كثير على رحيله ترى السالم ما أحد يعرفه الآن وكله إصابات في القادسية وجلوس على دكه الاحتياط يمكن يأخذ فرصة إذا قرر القنبر الاعتزال .
@ خالد المرزوق يسير بالفريق الخلجاوي نحو الصعود والبعض يهاجمونه بس أحسن شيء انه ساكت عنهم وحارق أعصابهم .
@ ولجماهير الخليج أحلى وردة على تحمل عناء السفر وما تستاهلون ما باكم من جماهير الحزم اللي أكرمت ضيوفها بالضرب .. أحلى كرم .
محمد راشد سيهات