ثوب الزفاف !!

بثوب الزفاف امشي وانا كلي طعون
... ...وآهات في قلبي وحسره ولوعه
مغصوبةٍ وامشي على ما يتمنون
... ...في منزلٍ ما تقبل العين نوعه
اصرخ وكل اللي معي ما يردون
... ...لين المكان اظلم وضاقت ربوعه
ذابت شموع الفرءح يا ليت يدرون
... ...عن حال نفسٍ من عناها جزوعه
وابكي على قلب انكسر حيل بالهون
... ...قلبٍ لقا من وقته اللي يروعه
أدري هلي من جرحي اليوم ينعون
... ...لكن من اللي منهم ارسل فزوعه
يا بنت يا اللي عندك السر مامون
... ...وش عاد لو شح الكريم بدموعه
هي علتي علتءك يا ليت يدرون
... ...بقلوبنا آهات تصرخ ولوعه
ابتسام أحمد عبدالله