قمة الذوق

البرد.. تكسر هيبته لهفة الشوق
والشوق: في غيبتك ترجف ضلوعه
والصدر.. من فرقاك ضايق ومخنوق
والهم يرعى به.. ولا سد.. جوعه
ووسم الغلا.. بيّن على كل معلوق
من غيرك أرجي.. واتباطا رجوعه
ما عاد فيني حيل.. يا قمة الذوق
احطب جفاك.. ووصلنا اوقد شموعه
لو للوله.. شرهه.. وللوافي.. حقوق
ما شفت لك.. غالي تسابل دموعه
من صدمة الواقع متى أحلامي تفوق؟
لا صار حظي.. ما تجمل فزوعه
يا قسوة.. الأقدار.. برفوق برفوق
لي نفس لوامة.. وروح(ن) جزوعه