عظّم الله أجرنا ياصاحبي

الموت حق ولكن الحزن أجنبي
ولا يفرّق بالجمالة والردا
ليت الخبر رجّال وآقول اتهبي
والّا ياليت الموت يا خذني فدا
أو عظّم الله أجرنا يا صاحبي
توّ الحزن من بعد سلطان ايهدا
لو كان له صورة بلا ما يختبي
بْتطغى على الأجواء لي آخر مدا
فالمملكة أهل الشُمغ وأهل العبي
جميعهم يوم العزا لبّوْا الندا
وأفعال نايف بيض من عاده صبي
في كل شارع بالوطن لها صدا
أي والله انّ قليّل الحيلة غبي
هو يحسب ان الشرّ معْ نايف غدا
حنّا كذا دايم نكون اللي نبي
ودايم نخلّي سعي أعدانا سدا
وعزاي للشعبي السعوديّ الأبيّ
زي ما بديت القول في اول بدا
ليت الخبر رجّال وآقول ايهبي
والّا ياليت الموت ياخذني فدا
أو عظّم الله أجرنا يا صاحبي
توّ الحزن من بعد سلطان ايهدا