آه اليتم يا سيدي من يعوله

ما طولك يا يوم الحزن في حلوله
كفن جزيرتنا حزن موت سلطان
الله ياليل الحزن صعب طوله
كن البشر من قبل ما شافوا احزان
لو ما النفوس اللي بكتك معقولة
تقافزت في العود مفرش وبنيان
ياعين هلي فائض الدمع حوله
وش فايدة بالدمع بعده بالعيان
بشتك سحاب وفيض كفك سيوله
منهو يصدق يا بحر وسط الأكفان
صاح البحر ساع الخبر من ذهوله
مات الذي زايد علينا بالإحسان
الشعب ما صدق خبر في نزوله
سلطان حي وبدل الأرض بجنان
آه اليتم ياسيدي من يعوله
أنته أبوهم بعد فقد الأبوان
يا مكثر اللي في الحشى لو نقوله
غطى مساحات الفضاء فوق الأكوان
الله يعظم أجر ملك ودوله
ويعظم أجر نايف وسلمان
والتعزية لخالد عظيم البطولة
ما غاب من خلفك ياريس أركان
ما مات من خلف عظيم الرجولة
وما مات من خيره على كل الأكوان
مرجاعنا لله بحكمة وحوله
الله يرحم راس في العود ما هان
وصلاة من أرسل بهدية رسوله
اللي بتوحيده ختم كل الأديان
شعر: عطية الله محمد الحنيطي