ما يخلي زوجته تركب جنبه، في المجمع التجاري ما يسمح لها تمشي معاه ولازم يسبقها بمترين، يسجل زوجته في الجوال تحت اسم “المرة”، إذا كلمته وزوجته معه قال لك معاي العيال، ما ياكل معها على نفس الصحن، إذا بينادي زوجته في مكان عام فيناديها ب”هيييه” علشان ما حد يسمع اسمها، ما عندي عيال يلبسون بنطلون، الشماغ ما يطيح عن الراس، كثر من الضبان وابتعد عن الكيك.. هذي الأفعال لا تصدر عن قناعة شخصية أو بسبب جهل منه بغيرها ولكنه يرى أن هذه التصرفات هي الرجولة وتركه لها يعني انعدام رجولته وذهاب هيبته وتسبب التساقط في شعر الشنب عنده.. فاسمح لي يا صاحبي أقول لك إنك تستخدم منيو “المرجلة أم نص ريال” وعليك بالعافية يا بو نص ريال!.