التابوت..!!

العين لوتبكي من صدوف الأيام
قلّنا تمر صدوفها ثم تقفي
ولويتحقق ماتواراه الأحلام
كل ٍخذا شفه وأنا أخذت شفي
ولو المدى بعد المساعي للأقدام
حثيت رجلي في طلب قرب ولفي
ولو الحظوظ من السعد طيرها حام
ما أحد ٍ شكى بقعاء وطيره يرفي
ماينبني صرح المحبه بالأوهام
ولاينعذل قلب ٍ عليه مترفي
إلاّ مصيبة حظي اللي بعد قام
عوّد على المستور يكشف ملفي
صبّرت له روح ٍ على عهد الأقسام
تابوتها فالحي قبر متوفي
وقفّت له من لوعتي رووس الأقلام
وعذر الشعرفي وصفها مايوفي
اللي ظماه الوجد وأعطاشه حيام
مايرتوي وده ولاعنه جفي
أجر أله صوت ٍ تقطع بالأنسام
وأدني له اللي فالخفوق متخفي
دمعه ولاسالت على خدود الإيتام
تدرج على باقي شموعه وتطفي
أنا رهينة رمش عينه من العام
وخانه نصيبه وأقتضابي لحتفي
أشر علي أبهام حكمه بالأعدام
وأنا من الأيام محكوم مكفي
أكبر مصيبه كسرت الروح بأرغام
ولاينجبر ود ٍ عنه قلب منفي
أنصاف دولة حبّنا رفع الأعلام
وأسياد ماظني عن الحب تكفي
مألوم وقتي بس للعون ظلام
ولا أقول لطم العين أخذته بكفي