شاورت فيك الحسن وجاني بشوره

انك حبيبي غير عن باقي الناس
البدر من نورك خذا كل نوره
والليل من رمشك خذا لون وإحساس
عينك عليها الزين بنى قصوره
ان سلهمت ولا المحت سود ونعاس
بك زين يالغالي وسابق عصوره
اللي عيوني شافته صعب ينقاس
فيك الحلى زايد وزايد غروره
يحقلك دامك على الصيد قرناس
تشبه طلوع سهيل باول ظهوره
قبل الوصول يسابقك عطر وأنفاس
مثلك عليها النفس ماهي صبوره
تشتاقلك لوهي معك تو جلاس