ياللي ذرفت الدمع من قبل المغيب ترجي رضى الرحمن بيوم المغفره يالله عسى دعواتك لله ما تخيب ويرحمك إله الكون دامك تذكره في ماقفٍ يفزع منه الطفل ويشيب يثقل موازينك وكسرك يجبره خالد ناصر المخيمر - روضة سدير يا رب تقبل من الحجاج اللي لفو يم بيت الرب من كل صوبٍ عميق فجاج جولك فرادى وجولك سرب يرجون رحمه وفل حجاج من ربٍ رحيم يزيل الكرب عبد الكريم النغيمشي - لوذة يالله تقبل حج من طاف بالبيت ولبس الحرام وقال يالله لبيك يا عالمٍ كل السراير وما أخفيت ترحم ضعيفٍ خاشعٍ لك يناجيك خلا بربه ساعةٍ ما بها صيت يطلبك يا رب عفوك ويرجيك الله كريمٍ يغفر الذنب لاخطيت أنصه ترى يعطيك ربك ويغينيك عثمان إبراهيم الرشيد - الرياض جينا لمكة نطلب الله ونرجيه والحمد لله ما نبي اليوم موفور من كل بقاع الأرض وللخير نجنيه بأرض الحرم عز ومعزة مع سرور واللي خدمنا حقق الله مساعيه بأرضٍ بها الخير والعز والنور محمد عبدالعزيز الخنيفر - أشيقر ياللي اختليت اليوم بالنفس ماجور تطلب ولي العرش يغفر ذنوبك عساك مقبولٍ مع الذنب مغفور أحرمت بالميقات واخلعت ثوبك واحرص على التصريح والعبد مأمور لا تزاحم الحجاج دوبك .. ودوبك عبدالمحسن محمد المحيسن - رياض الخبراء ياللي نصيت بلاد طيبة على خير اكملت حجك باقي الاتيسر افلح على ديرتك لا تنظر لغير في ديارنا مافيه احدٍ تخسر امن ورخا والحج كله تياسير في دولة التوحيد لاماتحسر حمد عبدالله الوايلي - حوطة سدير ادع وتضرّع لربك تاسع الحجه بصعيد طاهر دوّر زود مرضاته وفي يوم عاشر ارم ثم انحر النعجه صلّع شعر هامتك بجداد شفراته سعود بن عبدالعزيز الهزاع - نعام يا رب تغفر له ومن النّار تنجيه يرجي ثواب الرب يالله .. يالله في لحظة الإيمان طابت مساعيه لحظة خشوع في مشاعر مُناجاه عساك يا ربي تحقق أمانيه سلطان الرشيدي - الطائف حيّ الحجيج اللي لفونا من بعيد بأطهر بقاع الأرض للخير ساعين بقدومكم أهلا نقوله بترديد حنا نقول أهلاً على الراس والعين ريان محمد الخنيفر - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 عدسة فيصل الصقية.. المصدر حساب صور حائل
