اليوم في يوم الوطن تسعد العين

حنا شعب ومواطنين موالين
للمملكه والحاكم اللي حكمها
عبدالله اللي فارق في الميامين
ابن الملوك اللي أفعوله رسمها
مبايعين بعيتن قد لها سنين
مازعزعوها أهل الفتن ياعلمها
مع كلمة التوحيد والحق والدين
نثبت ليا من غيرنا ماحسمها
الشعب شعبك يازعيم السلاطين
والدار دارك والبلاد تحكمها
حنا معك دايم على العسر واللين
وحنا سيوفك للعداء ونخصمها
واليوم في يوم الوطن تسعد العين
في ظل منهو لشريعه حتمها
دستوره القرآن معه الصحيحين
وشهادة الله والنبي في علمها
هو الملك واللي خدم للحرمين
وهو ملك دارن بعزه حشمها
واليوم نهديك الولا ياحمر العين
وعهداً يجدد لك بنسمة نسمها
وختامها صلاة ربي ملايين
على الرسول اللي بدينه عصمها
عبدالله بن ناجي ابوليل