بحماك تحمي الدار

يا الله يا اللي تغفر الذنب وتوب
يا اللي وعدت لمن دعا بآخر الليل
لو ان ما جاء منك يا رب مكتوب
أنت القوي والناس تحتك مذاليل
بحماك تحمى الدار من كل لاهوب
وسلّط على اللي في عملهم مهابيل
أهل الخزي واللي بهم كل عذروب
افعالهم تشبه فعايل إسرائيل
اقفل عليهم كل معبار ودروب
واجعل اعدانا من وعدنا مشاليل
واجعل عملهم دايم الدوم منكوب
والشعب والحكام بأمنك مظاليل
يا بلادنا منّا وش اليوم مطلوب
قولي وحنّا بالشدايد رجاجيل
شعب لنا يا دارنا الطيب مشروب
حنا من اللي ما جرالك معاليل
الكل منا لك موظف ومندوب
وحكامنا تأمر وحنّا حلاحيل
ومنهو عدو لك على الحيد مضروب
وانتي حماك الله جيل بثر جيل
خليف الوهيداني