الوطن غالي

براهين
حنا لزوم ملوكنا نقول سمع وطوع
ولا نخلف عوايدنا ولاحنا بخوانه
ليا منه دعانا قايد الامه نجيه فزوع
نجدد فعلنا اللي في القدايم بان برهانه
نصون البيعه اللي حبلها با رقابنا مربوع
ليا من المنافق خان عهد الله ولا صانه
غازي بن عون
المواطن
حرم الله في كتابة مقتل النفس البريه
ومن قتل نفس بريه كنها العالم قتلها
يابو سعود المواطن وقفته معكم قويه
وبيعه الشيبان للشياب ما نرضى بدلها
فيصل بن طوالة
دروع
هذا الوطن دايم للامجاد عنوان
المجد بترابه مولع ومفتون
وحنا دروع الدار في كل ميدان
منا الولاء والعهد صادق ومضمون
تركي المريخي
الطولات
الوطن هذا شعاره للوفي سمن وسمين
والوطن هذا شعاره للعدو حد الحسام
يا وطنا لا تزعزع في الصعاب ولا تلين
وانت شعبك يعشق الطولات إلى حد الهيام
حجرف العصيمي