خادم البيتين أخصه بالتهاني المليك اللي حملنا في فواده

من بروج الشعر شاهقت المعاني
جيت أهن الشعب وأهن القياده
خادم البيتين أخصه بالتهاني
المليك اللي حملنا في فواده
ولْ ولي العهد اعايد في بياني
ولْ ولي عهده سمى الحرف ومداده
الجدي مع دربه سهيل اليماني
كل منهم طلعته طلعت سعاده
عمت الافراح في عيد رمضاني
باركه ربي على الاسره وعاده
ويشمل ربوع الوطن قاصي وداني
الشوامخ .. والسواحل .. والحماده
ارضنا دار المحبه والاماني
والمواطن فوقها حر الاراده
رافعٍ راسه ولا يمكن يهاني
كنه الفارس على صهوة جواده
والتطّور في بلدنا شي ثاني
من عقول أهله تميز باقتصاده
والحياه ميسّره .. والعيش هاني
والفرص متساويه حسب الشهاده
والوضوح اشعارنا في كل شاني
وكل فاسد صحفنا تفضح فساده
والمنافق عندنا ماله مكاني
والصريح الصادق ايقرّب زياده
ونكره الظالم .. ونبغض كل جاني
وكل مسلم بالمدد ندعم بلاده
والتزمت مانشوفه بالعياني
والتسامح عندنا لب العباده
وامرنا شورى .. وجانبنا لياني
وجيشنا تعليمه أقوى من عتاده
وناخذ العبره من احداث الزماني
بالتجارب والدروس المستفاده
مع طريق الخير يدفعنا التفاني
رحلة الانجاز مافيها هواده
وعنصرينن فالبلد ساس الكياني
فيه حكم الشرع..وآلا سعود ساده