يبقى بفعله وذكره طول الأزماني

سته وعشرين سته يوم احزنا
يوم به الحزن يسوى كل الأحزاني
يوم به الناس تبكي فيه وابكانا
واللي بكى من صميم القلب بكاني
يوم به العين تبكيه بلامنا
حتيش لو سال دمع العين واشقاني
يوم ظليم وسواده حل واظلمنا
حتى نهاره يشع بسود الألواني
هو يوم الاثنين وفيه الوقت خيّرنا
علم لفانا وحنا بين الاخواني
ابكي مقيم الوطن وابكي مواطنا
علم يضيّق خواطر كل فرحاني
رحيل ابونا وقايدنا وحاكمنا
هاك الرحوم العطوف لكل انساني
رحيل ابونا فهد كدّر خواطرنا
يبقى بفعله وذكره طول الأزماني
يشهد لبو فيصل الماضي وحاضرنا
والنهضة اللي عمرها خير عمراني
وهو خادم المسجدين اسمه يعلمنا
ولخدمة الدين فعله خير برهاني
مرحوم ياللي رحل عنا وودعنا
جعله يعيش بجنان الخلد فرحاني
يالله رحمتك يا ربي وترحمنا
وارحم فقيد العرب يا عالي الشاني
احد يروح ويغيب ويغترب عنا
ويرد للناس حيً وسط الأوطاني
واحد طوال الحياة اقريّب منا
ويغيب عنا وهو في وسط الأعياني
الرب يبقى بلا شك ولا ظنا
وكل منهو عليها ميّت وفاني
رشيد بن سعد الكثيري