الغياب اللي بدون أسباب

يا حبيبٍ تل قلبي وانقطع معلوقه
الغياب اللي بدون أسباب وش تاليته
خاف ربك فيه يومه يغتلي من شوقه
وأنت تدري ان دواه وفرحته لاجيته
صاحبك حلو المنام مقفين عن موقه
وهجس شعري فالليال المظلمه سريته
وبالي اللي لاسليت الذكريات تسوقه
كم مع الجلاس باسمك فالخفا ناديته
من سببك أبدعة فبحور الشعر وطروقه
ومع حمام الورق لحني خلفها جريته
الله أكبر.. لو بعدد فالحنايا فتوقه!!
مير ربي يبيح روحك فاللذي سويته
الهوى قلب الهواوي ما يحفظ حقوقه
وفي دروبه ضاع قلبٍ بالنقا مديته