خطب جلل بالمملكة يوم الاثنين مصيبة يا كبرها من مصيبه جماد ثاني يوم سته وعشرين نجم أفل وسط الجزيرة مغيبه النجم غاب وكدر القلب والعين والعين هلت لين خلص سريبه مالومها لو جابت الصاع صاعين ولا لوم من ذاع الخبر في نحيبه موت الفهد حزن قلوب الملايين والموت حق ولا من الموت ريبه آدم توفي واتبعوه النبيين ولابد ما يفارق حبيب حبيبه والحمد لله له اخوان ميامين الكل منهم له محبة وهيبه مع شعبهم دايم على العسر واللين ومشاكينه بالأمور الصعيبه واختص ابومتعب كعام المعادين اللي حكمنا وحكمنا من نصيبه عبدالله ملكنا وحنا لأمره مطيعين ومن خالفه بالسر ربه حسيبه وعبدالله ملكنا خادم الحرمين وحنا خدم خدام مكة وطيبه وسلطان هو سلطان ريف المساكين ولي عهد ولشعبنا هو طبيبه واخوانهم والله زينين زينين رجال الكرم والطيب ما بهم معيبه وختامها ادعوا لهم يالمصلين ادعوا لهم بالخير شيب وشبيه خالد محمد الغميز
