كف انفعال

يا صاحبي طال المدى وانا أتحرى للوصال
يا صاحبي طال المدى يا صاحبي طال المدى
اول معي تاصل ولا غيبت حتى فالخيال
واليوم مدري وش بلاك العلم مدري من عدى
على طواريق العناء يا شيخ ميلت العقال
واتعبتني وانا على حالي ولا بيدي جدى
الا الرجاء واطلب من الله مايحل الانفصال
وأقول جعل اللي فعلته معك ما يذهب سدى
امدلك كف الرضاء وتمدلي كف انفعال
والشوق حاديني حدي وحدٍ على بعدك حدى
اخاف من عوج الدروب اللي تعرضك الجبال
والعمر ينقص والليالي مالها عندي مدى
افزع ترى الفزعات رجمٍ من مواقيت الظلال
وليا حصل لك هفوةٍ أقولك هذه فدى
لاشك لاتبدأ معي عكس الوفاء وأبدا الجدال
ويطول موضوعي معك وأقول لك هذا بدى
من طال من شيٍ سمج وليا سمج بان الخمال
تفهم وانا افهم والسوالف بيننا فيها صدى
ابي انتظر منك الردود الوافيه والاتصال
والله هو الهادي وليا هدى ربي هدى
عبدالله الهقاش