* البدع: محمد عيضة أنا انتظرتك تتصل وأبطيت يا خالد رجب الله عوين اللي بغاك ومنتظر منك اتصال اللوز ثمّر في ربيع أول ولبّب في رجب وانته بعد ياصرم حالي صرم والا همّلال * الرد: خالد رجب يا صاحبي صوتي من الفضة وصمتي من ذهب ولحاجتي ذليت ديناري وذليت الريال لكنّ مهما صار تلقاني حنون لمن ذهب هذا شعوري وانت مدري وش ترا يا ابن الحلال * البدع: محمد عيضة يبقى محمد نور نور ولو لفظه المنتخب مدري عشانه صلف والا لنّه ازعاج الهلال مدري انت تحسبني مشاغب من مثيرين الشغب والا تعرف اني مناضل من رجاجيل النضال * الرد: خالد رجب بعض السوالف ما تجي اْلا بالعذاب وبالنصب ولا لنا فيها مسار ولا لنا فيها مجال اليوم الاضوا والوجاهة من نصيب اللي نصب ولا اقدر آميز تفاصيل البشاعة والجمال * البدع: محمد عيضة يعينني ربي عليك ان كنت ريحٍ ما تهب اقول لك ياخي جنوب تقول لي ياخي شمال ودي تحدد موقفك لا شعشع السيف الحدب واقف مع البرشا معي؟ والا انت في صف الريال؟ * الرد: خالد رجب انا اتعجب منك والدنيا تهاويل وعجب تصفّي الماي العكر وتعكّر الماي الزلال تقول ما ابغى المنتخب وتقول مآحب اللعب وانته معك شالٍ خضر وتقاتل اخصامك قتال * البدع: محمد عيضة ام الكباير راعية منكر وحمالة حطب ولا تخاف الا من الإبداع ووساع الخيال ان حللت حلق الشنب ما شفت في الديرة شنب وان حرمت لبس العقال تموت ما شفت العقال * الرد: خالد رجب تجمد الغيث بذنوب الناس في عين السحب واسودت اطراف السما والنار شبت في الرمال حل الغضب يا سيدي يا سيدي حل الغضب غرد مع من غردوا والا اعتذر من ذا الجلال * البدع: محمد عيضة الأمن ما هو مستتب لو كان قلنا مستتب في الفيس بوك وفي التويتر ناس واشباح وظلال (اخاف لا نقتل حمار القوم ونشيل القرب) وانته وانا مثل الذي واقف على الجرف الهيال * الرد: خالد رجب ظَهَر لنا من بعد موت ابو عديٍ ناس غَرب وطوال الايمان اصبحوا ما عندهم غير الشمال فوضى وترويع وتهاويل وتخاريف وتصخب لا تخدعك صفر البشوت او تخدعك صفر الدلال
