جعل الموحد جنة الخلد مثواه

من وحدته كل العداء ما قوتنا
خل القبائل ماضي الشين تنساه
وعقب التناحر حنكته جمعتنا
عبدالعزيز اللي على الدين مبداه
قاد المسيرة والعداء جنبتنا
عقب الفتن كل(ن) تهنى بمفلاه
امن وامان وكل الأرزاق جتنا
قضى على الفتنه بسيفه وشلفاه
الله اكبر نعتبرها لغتنا
وصقر العروبة شيخنا لا عدمناه
اكبر همومه دائماً مصلحتنا
وسلمان تمسك قوة الجيش يمناه
شوكت نحر عدواننا اللي بغتنا
سلام يا دار(ن) بها العز والجاه
دار(ن) على خيراتها قد نبتنا
دار(ن) علينا خيرها ما جحدناه
ياكثر من خيراتها ما عطتنا
عنها عدو الدار نقلع نحاياه
ونبذل لها الدم الحمر ليا نختنا
كم من عدو(ن) قد طردناه
افعالنا معروفة(ن) لو سكتنا
عدونا دائم بالأقدام ناطاه
وصديقنا يلقى السعد من جهتنا
والله ما نسمع كلام الملالاه
ولو تنبح العدوان ما حركتنا
هذا الوطن بالدم والروح نفداه
ياويل من يجرأ على مملكتنا