جعل الموحد جنة الخلد مثواه

من وحدته كل العداء ما قوتنا
خل القبايل ماضي الشين تنساه
وعقب التناحر حنكته جمعتنا
عبدالعزيز اللي على الدين مبداه
قاد المسيره والعداء جنبتنا
عقب الفتن كل(ن) تهنى بمفلاه
امن وامان وكل الارزاق جتنا
قضى على الفتنه بسيفه وشلفاه
الله اكبر نعتبرها لغتنا
وصقر العروبه شيخنا لاعدمناه
اكبر همومه دايم(ن) مصلحتنا
وسلمان تمسك قوة الجيش يمناه
شوكت نحر عدوانا اللي بغتنا
سلام يا دار(ن) بها العز والجاه
دار(ن) على خيراتها قد نبتنا
دار(ن) علينا خيرها ما جحدناه
يا كثر من خيراتها ما عطتنا
عنها عدو الدار نقلع نحاياه
ونبذل لها الدم الحمر ليا نختنا
كم من عدو(ن) دونها قد طردناه
افعالنا معروفة(ن) لو سكتنا
هذا الوطن بالدم والروح نفداه
ياويل من يجرا على مملكتنا
مسند مازن الميزاني