يوم الوطن ذكرى

داري ديار ال السعود السلاطين
دار الرسل, والانبياء, والصحابه
دار(ن) ربو فيها رجالن شجيعين
اهل الوفا وواهل الكرم, والمهابه
واليوم اشوفه عيد ما بين عيدين
يوم الوطن.. ذكرى سيوف المجابه
اللي حكمها راعي العسر واللين
يالين صرنا تحت حكمه قرابه
اخوة, حبايب, مخلصين ومحبين
للقايد اللي اكبر اعداه هابه
وعشنا بعز ونهضة المجد يالين
تضربنا الامثال في كل نابه
وان حاول الاعداء, بالشر والشين
اما بذاعة سخف او بالكتابه
قولولهم شعب السعودي مضحين
من شان داره ولمحبة ترابه
له وجه واحد يوم غيره بوجهين
وما يستمع للواشي اللي حكابه
شعارنا نخلة وفا بين سيفين
الها معاني لا تثير الغرابه
آمر يابو متعب وحنا وفيين
عيالك اللي ما تعرف الكآبه
يا تاج راس الشعب ياقرت العين
يالوافي اللي ممتلي بالصلابه
و ابدعي الخلاق ثم قولو امين
لعل نلقى من دعانا استجابه
ولا هنت يا سلمان زبن المجنيين
يا سيفنا اللي فاللقا والحرابه
حر(ن) شهر في دار صعط المجانين
تلقى المراجل به وتلقى الوفابه
واخوانه اللي للعلا دوم ماشين
يزيل عنهم كل هم وضبابه
ويشبك يدين الشعب ضد المضلين
ضد الفتن ضد العدو والخرابه
وصلو على محمد شفيع الثقلين
في يوم كل (ن) حسبته في كتابه
بدر بن منير بن عميره