إن كنت أبتندم

على شي قد فات؟
فأهو على وقت مضالي.. بدونك!
قبلك وكأني حي في عالم أموات
من قبل لاتنظر عيوني عيونك
تدري تمنيت المنيات مرات
من قبل لا تروي حياتي مزونك
بقربك غدن لي مّر الأيام حلوات
دنياي غير اللي أشوف بعيونك
معك الهناء شفته وذقت المسرات
الله يحفظك يالنديم ..ويصونك
احتار بين الأسئلة والإجابات
ومنجن من ذاكراتك اللي تخونك
يومي سنه بغيابك...ومعك لحظات
بحساب من قلبه وعقله يبونك
في غيبتك تنتابني بعض حالات
وما أقدر أتخيل حياتي بدونك
سعد الشليل