صوت الصورة

حلقة ذكر مابين حفظ ٍ .. وترتيل
بين البراعم .. والبراعم ذكيه
هذا العمل مطلوب.. مطلوب للجيل
وقت الفراغ اليوم صبح .. وعشيه
كم حافظٍ للوقت يجني محاصيل
قرآننا المحفوظ أكبر عطيه
عبد المحسن محمد المحيسن- رياض الخبراء
يا قارئ القرآن جتك السعاده
هذي سلوم الخير الله يهنيك
ألف التحايا ومعها إشاده
وللي صغير السن فخرٍ مباديك
قرآننا معروف عز .. وإفاده
إقرأ بترتيلٍ عسى الله يعافيك
ريان محمد الخنيفر - الرياض
يا دارس القرآن أبشر لك الخير
قلبك تعلّق من صغر في كتابه
اثنين واثنين عسى فالهم غير
في شهر خير مقتفينٍ ثوابه
يا صغار شدو واصلوا كملوا السير
وتحدثوا في العلم هاتوا جوابه
حمد عبدالله الوايلي - حوطة سدير
هذا الولد سمّع له آيات قرآن
كتاب ربي أنزله ليلة القدر
يهدي إلى خيرٍ وعلمٍ وإيمان
فيه الدلايل نور منهو اعتبر
فواز سعود الحربي
في حلقة التحفيظ ما جا مطوع
والطالب يغيّب على الثاني آيات
نشأة صلاح وخير روضٍ منوع
ما بين بيت الله وحفظ .. وتلاوات
سعود عبدالعزيز الهزاع - نعام
الطالب اللي حافظ الدين والدرس
لابد ما ينجح ويحصد علامات
هذا هو اللي لازم يحس .. ويحس
بمعنى التدبّر بين آيات .. وآيات
سعد ناصر المسفر
يا قارئ القرآن الله يصلحك
تقرأ لك آياتٍ وفيها تأمّل
ربي هو الحافظ عساه يحفظك
ويعينك الله دايمٍ له تكمّل
بشائر القحطاني - الرياض
صورة العدد السابق