حسابات شاعر

لي عن شوفها تسعين ليله وست أيام
يعني سبعه وتسعين ليلة عن الشوفه
أقاوم وأمني خاطري والحلول أحلام
نهاية فراق إثنين ماهيب معروفه
وعود وعهود وجهد وجهود عشر أعوم
تلاشت ولا زالت بالأفكار مكتوفه
نهاية لها تفكير لا من جلس ما قام
تقل في نهايات المتاهات محذوفه
ملفاتها قفلت ولكن بدون أحكام
ولافيه عذر الإهذا الوقت وظروفه
أدور جواب وحل وعلاج للاوهام
وأصارع نهاية سر ما هيب مكشوفه
آثار الحقيقة غيبت والهيام هيام
لا زال الجريح يصارع الجرح في جوفه
ياشين الغموض وموت الأوراق والأقلام
وياشين الجروح اللي على السر ملهوفه
وأنا لو بغيت ألوم الأفكار كيف اتلام
عنها غاب حلم العمر وغيابه احسوفه
غيابه غياب اللي وقع في يدين اخصام
وضاعت علومه وآخر الظن بحتوفه
وفيه اختلاف الوضع لكن بدون أرقام
يبي يستمر وكل تفكير في خوفه
له الواقع اللي له بالأعماق صوت أنغام
غريبة ما هي من سلم العزف معزوفه
على كل حال آخر قرار وخبر واختام
حقيقة لهم كل المشاريه معسوفه
عن نسيانها صلى قصيدي وحج وصام
لو إن الحقيقة عن مساعية مكفوفه
معاهد عهد مسلم ترعرع على الاسلام
ماينسى العهد لو ماحصل غير هالشوفه