ليل الجفا

ياقلب دور عن هموم .. الليالي ذرا
الحب مايحترم طبع النفوس الكرام
والحزن لو اكتبه ..! احيان .. ما ينقرا
صحيح صدري سما .. بس المواجع غمام
بسري مثل من على ليله وهمه سرى
ادام حزني حلال .. وابتسامي حرام
بعيش واللي على حمل المصاعب ضرا
ماهو مدور من الدنيا .. عطا واهتمام
ياللي دموعك تباع .. وضحكتك تنشرا
هاك السهر واترك عيوني لعذب المنام
وسافر مع العمر لو يسمح ويرجع ورا
من قبل تجرح حبيبك .. بالخطا والكلام
شاللي على بالك وتفكير .. قلبك طرا
يكفيك .. مر .. الشتا .. وياه .. برد وسلام!
خذلت قلب عطاك احساسه (وْإحترا
منك) احترام المحبه والغلا والهيام
لاتحسب الجرح في ليل الجفا .. ما برا
غيرك اخذني وجا .. معه الدوا والغرام
والا انت! تتحمل اللي صار واللي جرا
خيانتك كانت الصدمه .. ومسك الختام
سلطان النواف