أنصاف الحلول

والله إنه ماكذب اللي يقول
غاية إرضاي البشر.. غاية صعيبه
اللي يزعل بلا سبَّه على طول
واللّي يزعل على توقيته مريبه
واللي يفهمها غلط.. من دون قول
واللي ما تنفع به وشرواه.. طيبه
ياكثر ما بالخلايق من زعول
وياكثر اللي طبايعهم غريبه
وياكثر اللي يحبون الفضول
وياكثر اللي بهم.. ما ينغزيبه
والله إني أقبل.. أنصاف الحلول
بس والله إني ما أقبل الغليبه
ودي إن اللي يقول ولا.. يطول
ما يجيب اللي تودّيه.. وتجيبه