الصوت للصورة كتبناه بالحال لجْل الوجيه اللي تحرّاه فلحه طلحه تعلاَّ فوقها خمسة أطفال مِن شان ذكرى صورةٍ ن فوق طلحه لو طاح منهُم واحدٍ تزعل إرجال وإلاَّ على قول المثل راح صلحه فهد بن عقيل الطويان - بريدة شبابنا تكفون هالفعل مخطور الكل يضحك ثم يفقد حياته أنت ورفاقك تلعب اليوم مسرور نفسك عزيزة والسعادة نجاته ومانتا على هالفعل يا صاح مجبور واللي على هالحال ماشيَن صفاته ريان محمد الخنيفر - الرياض ألا يا ربنا لطفك يا والي مجاعة والسكن داخل صنادق حياة أطفالهم شيٍ خيالي ولله الشكر من قلب صادق عبدالله بن عبود السهلي - تبوك شقاوة الأطفال يعجز لها الطب مها تصيح بصوت وترفع لحاجب عينك عليهم دايم القلب مشتب وهم على الأغصان مثل السناجب لو طاح واحدهم له الكسر مركب ولو ما أعجبه سوّى ولو كان صاعب خالد بن ناصر المخيمر - روضة سدير قبل الوسائل نت والكمبيوتر كنّا نتسلق للشجر مثل ذا الناس لا صار فاضي فاقد إيديه موتر يبغى يتسلى خايف يجيه وسواس سعود عبدالعزيز الهزاع - نعام الوقت والفقر وأيام المجاعه تخلي الناس تأكل أوراق الشجاري يالله ترزقنا شكر النعم والقناعه وتديم الأمان وتسقي جرد الصحاري من شكر النعم وخاف الله وأطاعه ربي يبارك بأمواله والذراري محمد سعد شبيب الجروي - الرياض المزح هذا مخطر فوق الاشجار خلو التفاخر قبل تاتي مصيبه في ظرف لحظة تروح وتروح الأعمار هذي سلومٍ يا جماعة غريبه لابد تفكيرك ترى الوقت غدار عقب الفرح ترجع حياتك كئيبه محمد بن عبد العزيز الخنيفر - أشيقر ما حلى الشباب اللي تحدوا للأشواك وفوق التحدي كوّنوا خير صوره ويا صورةٍ متدور دورات الأفلاك بعد المحل نلقاك بالغيث مخطوره سعود عائش الحربي - القاهرة وش عندكم ياللي على الطلح راقين فيكم فراغ أو تنشدون البطوله أشوفهم يا أخوان بالحيل فرحين ومن زود فرحتهم اغصونه رقوا له عبد الكريم النغيمشي - لوذه وش عندكم راقين لا يبطكم شوك هذا الحذر واجب ولافيه اشكوك هذا صيادٍ شافكم نوع كروك والا الحطب ممنوع قطعه وأنا أخوك إبراهيم الدوسري - الشماسية صورة العدد السابق نستقبل مشاركاتكم على إيميل الخزامى: [email protected] أو الفاكس رقم: 4871070
