صوت الصورة

لا شاله البكلين يصرخ من الخوف
وده ينزّل لكن العرض يخاف
أصبر تحمّل وأعمل اليوم معروف
حتى نصور موقفٍ زين ينشاف
علي رشيد الرشيد - رياض الخبراء
يا سايق البكلين وش جاك.. وش جاك
شعلت العامل فوق بليا مروفه
ارفق عليه ونزّله لا عدمناك
دمه نشف والحال منه مخطوفه
خالد بن ناصر المخيمر - روضة سدير
ياللي ببوكلينٍ علقت وش فيك
تشكي مرض أو من همومٍ تعاني
لا تنتحر وأسأل كريمٍ يشافيك
واستغفره تلقى العمر عُمر ثاني
ناصر بن جمعان آل عوض - وادي الدواسر
مزين حياة الريف جوار وموده
ترقد بلا ازعاج نومٍ علي الكيف
من خارج الأوطان صوره معده
بوكلين به تعلّق الرجل بالريف
حقيقه إن الرجل واقع بشده
يا رب ألطف به فأنت اللطيف
سعود عائش الحربي - القاهرة
تخيّلوا لو طاح وإلا هوابه
هللي تعلّق بالسما براس كلين
جداه بللي من تضايق لجابه
رماه حظه والقدر بين نارين
كانِه سلم ماظن يبرى صوابه
إلا َّإن حماه الليِّ هدى الناس للدِّين
فهد بن عقيل الطويان - بريدة
العمر واحد ماهوب اثنين
يا من يخبّر راعي البكلين
والعامل أمعلّقه مسكين
والسلامة وينها وين
عبدالكريم عبدالرحمن السلوم - القرائن
الرافعة ما هي لنقل الرجاجيل
هذا الخطا شفناه عين الخطوره
بعض المزوح اليوم تجلب غرابيل
يالله عسى المسكين تسهل اموره
محمد عبدالعزيز الخنيفر - اشيقر
خلاص تكفى شفت كل المدينه
نزّله قبل أطيح وتروح فيها
لومت تدفعها مبالغ ثمينه
الروح ماترخص على مشتريها
حسين القفيلي – بنجران
الخاوجه لو يركب فوق ظهر البعير
خاف خوفٍ يحسب في حساب الردا
بس في هالصورة باقي شوي ويطير
بعده عن الأرض يا الربع ماله مدا
ماضي بن زيد القضاعي - الشعراء
هذا الخطر بالعين شفناه .. شفناه
الرافعة ترفع لها إنسان متروك
معلقٍ بالجو ممسك بيداه
وإن كان فاز نقول مبروك .. مبروك
بشائر القحطاني - الرياض
صورة العدد السابق
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بالصور الهادفة والطريفة