صوت الصورة

شبيت نارك وأنت مركي دلالك
في رأس طعس والمطر ما بعد جاه
شبك الشوي فوق الغضاء حط بالك
مطنوخ راع الكيف وين أنت وياه
عبد المحسن بن محمد المحيسن - رياض الخبراء -
كنك عجل ياللي على بساط قاعد
في روض اخضر ريحته كنها اطياب
بين الخُزامى.. والنفل.. حس راعد
جواً ينسيك التولّع بالاحباب
سعود بن عبدالعزيز الهزاع - نعام
ياما حلا الجلسه على شبة النّار
بين الدلال.. وبين برقان.. وقدور
انعش ربوعي واكرم الضيف خطار
وابسط حجاجي لا لفوني هل الكور
جدي وأبوي علومهم ديدن وكار
امشي مماشيهم واتا الخير مكثور
عبدالكريم النغبمشي - لوذه
لا ذعذع الغربي وبراد النود
نسيت كل اللي شغل بالي
جمّعت لي من كل خايع عود
وشبيت ناري في الخلا الخالي
وسويت دلّه وقمت احل عقود
وعلى هداوه سقت فنجالي
عبدالله بن عبود السهلي - تبوك
يا راعي المركا ويا راعي الضو
راع الدلال الجاهزه والمباهير
وسط الصحاري منسجم داخلٍ جو
جواً يشوقك فيه شوف المغاتير
عبدالعزيز بن مزعل الدوسري - الرياض
على المركا جلست وفي يدك يا صاحبي فنجال
تقهوا وناسي هم البلاد وكل ما فيها
تفكر في ربيع البر عيونك تمتلي تختال
ومواعينك لهن صفه قليل اللي يسويها
ترى شوقتني للبر عسى الماطر يجي همال
ويسقي لي ديار المملكة وتكثر في مراعيها
خالد بن ناصر المخيمر - روضة سدير
يا كليب طف النار يا كليب طفه
صار الحطب أغلى من الهيل والعود
خلاص راع الكار مقطوع شفه
ما دام حطاب وجلاب مردود
ديرة غضا وارطى وطلحٍ تضفه
حتى الحطب تستورده وش بقى زود
عبدالعزيز السالم - حائل
سقت القدم فرض ٍعلى تايه العين
في وسط قفر ٍقام يشعل حطبها
طب النفوس اللي مع الهم ساهين
يجلا عسام القلب سهمٍ سلبها
جريت صوتي لين يشعم ودادين
وشقر عديم البن هيله عقبها
محمد زايد الروقي
حلو المكشات في فصل الربيع
وشبّة النيران وربعك حاضريني
والقهاوي دايرة بين الجميع
وجلسةٍ يا زينها بجواً حسيني
يا سعد من هو بهالجوّ البديع
والرفاقة من يسار.. ومن يميني
محمد بن عبدالعزيز الخنيفر – أشيقر
يا ما حلال الأبكار المعاسيف
في خايعٍ بدري من السيل موسوم
برفقة رجالٍ كلبوهم مواليف
الأرض خضراء والسماء كلها غيوم
سالم معزي الفهيقي – تيماء
ناراً عليها الكيف عجلٍ يفوحي
والدلّه الصفرا وطيبٍ وبرّاد
يالله بنواً فيه برقٍ يولحي
لامنه أرعد فيه وبل المطر زاد
سوبعٍ مواصل بالمطر ما يروحي
حتى تقول البر ما هنه نشاد
ذكرت ضبيٍ فالبراري سروحي
عجزت اصيده يومني كنت صياد
غنام مسعود القريني
جلسة جميلة بين جمر وصحاري
وجواً عليل ودلال مع صفة أبريق
زان المكان .. وزان وقت السفاري
هذا هو اللي ينعش القلب ويفيق
بشائر القحطاني - الرياض
صورة العدد السابق
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070