طاب شعبه حيث راع العدل طاب

ذعذعي بحب ابومتعب ياهبوب
وامطري بحبه علينا يا سحاب
أشهد انه صدق محبوب القلوب
يأ سر بحبه ملايين الرقاب
ان أصابه من عنى الدنيا شحوب
يعترينا الهم شيبان وشباب
نقتسم شكواه في كل الخطوب
ونتأ لم لا شكى سمح الجناب
وان لبس للعا فيه والعز ثوب
طاب شعبه حيث راع العدل طاب
من سألنا ليه في حبه نذوب
عن محبتنا نبادر بالجواب
حبه من الدين في حكم الوجوب
وطاعته من طاعة الله بالكتاب
ابو متعب كامل الوصف امحبوب
جعل شمسه عن سمانا ماتغاب
من شمال المملكه لاقصى الجنوب
تحت ظله لا نذل ولانهاب
كامل با لوصف شامخ ومهيوب
طيب أصله شريف الانتساب
مجده الباذخ بتاريخه طروب
مع شرف أرومته عز النصاب
بالكرم بحر ولا يخشى النضوب
وبالشدايد ركن مايخشى الصعاب
راجح رايه وثا قب ومحسوب
هوعميد الفكرهوقطب الصواب
ان تكلم منطقه سمح عذوب
يستجيب لمنطقه سهل الخطاب
وان عطي تغني عطاياه الجيوب
بمدته للمال مايحسب حساب
مزن خيره لاجتمع من كل صوب
هل حتى تفيض بالخير الشعاب
باجتثاث الفقر له قلب وثوب
هو عدو الفقر لا خاض العباب
عم خيره شعبه و كل الشعوب
با لثمان اللي بخيراته خصاب
بوقتنا اللي تطحن فيه الحروب
والدول من حولنا فيها اضطراب
المصايب حولنا اشكال وضروب
وانفتح لاهل الفتن مليون باب
شعب ابومتعب بعيد عن الكروب
مرغد بالأمن بجبال وهضاب
عز شعبه حيثه الشهم الوهوب
عز شعبه في عطاياه العجاب
اسأل الرحمن علام الغيوب
لابو متعب بالعطا جزل الثواب
وجعل شمسه ماتوارى للغروب
وجعل عز ه دايم ماله ذهاب
والصلاة عداد ماهبت هبوب
للنبي وعداد همال السحاب