البحر لو يعطيك يبقى بلا ظل أما أنت تعطي ونتفيّا ظلالك

في ليلةٍ، ساعاتها: نرجس، وفل
طابت، ولا زادت على طيب فالك
تبسمت قمرى، هما: عطر، وابتل
يابس نظر شعبك، بصافي زلالك
سلمك: من سلم بك الحرث، والنسل
وحماك: حامي بك عروس الممالك
ورعاك: من يرعى بك الطفل، والكهل
الله.. يديم أيام عزك.. وجالك
إن قلت: (سلطان)، ابتسم في السما كل
نجم، وضحك فجر، و قِشع ليل حالك
وان قلت: (سلطان)، ارتقى الاسم للفعل
وانت الذي ما احد بواصل فعالك
يا آمير، واللي شبهك بالبحر: زل
واخطى، وكل قاصر عن منالك
البحر.. لو يعطيك.. يبقى بلا ظل
أما انت.. تعطي.. ونتفيا ظلالك
ويا آمير، واللي شبهك بالجبل : قل
ولا عرف ثقلك، قدر احتمالك
ولا انت المطر، حيثه من السحب ينزل
وانت: السحاب أوطى مواطي نعالك
ولا انت القمر، حيثه صغير إلى هل
واذا اكتمل، ما هو بواصل هلالك
أنت: أنت، ما غيرك شبيهك، ولا احتل
قدرك سواك، ولا لقينا مثالك
الله.. جعل بيدينك: الربط، والحل
تربط شياطين، وتحل المهالك
والله.. جعل بيدينك: العز، والذِل
عزيت خلق الله، وذليت مالك
الكل ما يكفيك، .. يا كافي الكل
يا كاسب كل المراجل لحالك